సర్గ 40
5
పెట్టుకొన్న నా బొట్టు చెఱగిపోన్ ,
ప్రీతితో మణిశిలా తిలకంబును
చెక్కిలి ప్రక్కన చుక్క పెట్టె, ఆ
ప్రియచేష్టితము స్మరింపు మనుము హరి !
6
ఇంద్రవరుణులకు ఈడుజోడయిన
వీరుండవు రణశూరుండపు, సీ
తను నీ పత్నిని, తలచవేల ? అప
హృతనై, రాక్షస హింసల పాల్పడ .
7
దాచుకొంటి నీ తలమాణిక్యము
పయటలో ముడిచి ప్రాణప్రియముగ,
ఈ దుర్వ్యధల సయితము, దీనిగని
నిను చూచిన భాతిని సుఖియింతును.
8
సిరులకు నెలవీ శ్రీ చూడామణి
రత్నాకర గర్భంబున పొడమెను,
దీనిని కూడ విభో! నీ కంపితి
బ్రతుక లేనిక దురంతదుఃఖమున.
9
గుండెలు పగిలెడి బండతిట్లకు, భ
రింపరాని విపరీత యాతనకు,
ఓర్చి, నే బ్రతికియుంటి నీ కొఱకు;
ఈ శోకముతో నిక జీవింపను.
10
ఒక నెల మాత్రము ఉసురులు నిలుపుదు,
శాత్రవకుల నాశక ! ఈ లోపల
దర్శన మందింప డేని విధి,
గడువు దాటు, నే విడుతు ప్రాణములు.
