ఈ పుట ఆమోదించబడ్డది
సర్గ 37
11
నల పేరిటి కన్యక, విభీషణుని
పెద్దకూతు; రా పిల్ల స్వయముగా
తల్లి పంప, నా దరికి వచ్చి, యీ
వృత్తాంతము వినిపించె నొంటరిగ.
12
ధృతిమంతుడు, కులవృద్ధుడు, మేధా
వి, వినయశీలుడు, విద్వాంసుడు, రా
వణున కిష్టు, డనవద్యు ; డవింధ్యుడు
కృతాకృత్యము లెఱిగిన హితవరి.
13
ఆతడు రాగల అవిధిని పొడగని
రామునితో వైరము రాక్షసకుల
నాశమూలమని నాటగచెప్పెను,
విహిత వాక్యములు వినడు దురాత్ముడు.
14
తలపోయుదు, హరితల్లజ ! నా మది
ప్రాణేశుడు సత్వరమె కలియునని,
అంతరాత్మయును అతిశుద్ధముగా
నున్నది, గుణసంపన్నుడు రాముడు.
15
పౌరుషమును, చేవయు, ప్రభావమును,
మెత్తని చిత్తము, మిత్ర కృతజ్ఞత,
శక్తి విక్రమోత్సాహములు కలవు,
వలసినన్ని రఘువంశ సోమునకు.
16
పదునాలుగు వేల దనుజగణమును,
అనుజుడు సై తము అండలేనియెడ,
చెండాడెను రాముం డొక్కడె హరి !
అతనికి వెఱువని అరికుల మున్నదె?
290
