ఈ పుట ఆమోదించబడ్డది
శ్రీ
సుందరకాండ
సర్గ 37
1
హనుమ వచనములు విని ధర్మార్థం
బుల నిటు లడిగెను పూర్ణ చంద్రముఖి,
కపివర ! నీ వాక్యము లమృతములో
విషమును కలిపిన విధమున నున్నవి.
2
ఇతరాసక్తుల నెఱుగక రాముడు
ధ్యానపరాయణు డాయెనంటి, నా
విరహశోకమున వికలు డాయె నం
టివి వెంటనె, పొసగవుగద రెండును.
3
అతి విస్తరమగు ఐశ్వర్యంబున,
కడు దారుణమగు కష్ట దైన్యమున,
పెనుపాశంబులు బిగిచి మానవుల
లాగును దైవ మధోగతి నంటగ.
4
విధి చెయిదము తప్పింపగరానిది
ప్రాణుల కెల్లను; రాముండును, ల
క్ష్మణుడును నేనును మ్రగ్గెద మార్తిని
గతి మోక్షంబులు గానరాని వెత !
288
