సర్గ 1
38
ఊదిపట్టి పదయుగమును దృఢముగ,
గాలి చొరవిగతి కర్ణముల్ ముడిచి,
బిగియపట్టి ఊపిరి యెగాదిగలు
ఉరవడించె నుప్పరమున కెగయగ.
39-40
పలికెను అభిజన వర్గముతో నిటు
రామాస్త్రమువలె వ్రాలుదు లంకను,
కాననేని జనకజ నచ్చోటను
ధావింతును సురధామంబునకే:
41-43
జానకి అచటను కానరానిచో
ఆయాసమనక అతివేగంబున
తిరిగి పోయి దై తేయుని రావణు
కట్టి తెచ్చెద యెకాయెకి నిచటికి.
★
సీత నెట్లయిన దో తెచ్చెద, చరి
తార్థుడనయ్యెద, అట్లుకానిచో
పిరిగొని లంకను పెళ్ళగించి రా
వణునితోడ సత్వర మేతెంచెద
44
ఇట్లు తోడికపు లెఱుగబల్కి, వే
గోద్వేగ బల సముత్కటమతియై,
ఎగిరె మార్ద్యముగ, ఖగపతి కై వడి
వ్యోమ విహార మహోత్సవాభిరతి
45
హనుమంతు డటు లాకాశమునకు
ఎగిరిపోవగా నగమున నెల్లెడ
పెకలిన తరువులు వేళ్ళతోడ కొ
మ్మలతోడుత వెంబడి పైకెగసెను
