ఈ పుట ఆమోదించబడ్డది
శ్రీ
సుందరకాండ
సర్గ 33
1
పండిన పగడమువంటి మోముతో,
వినయవినతమగు వేషముతో దా
సునివలె దగ్గరె ప్రణతులు సలుపుచు
వృక్షము దిగి కపివీరుండప్పుడు.
2
అతితేజస్వి, మహానిలతనయుడు,
శ్రీమన్మారుతి చేతులు రెండును
జోడించి శిరస్సున, వై దేహిని
పలుకరించె నర్మిలి మధురోక్తుల
3
ఎవరి యింటిదానవు పద్మేక్షణ !
కఱకు నారమడి కాసె చుట్టి, ఈ
చెట్టుకొమ్మ నొకచేత పట్టుకొని,
ఏల నిలువబడితీ వనాంతమున.
4
ఏటి కిటుల నీ కాటుక కన్నుల
సూరెల జాఱెడు శోకబాష్పములు,
మంచి తెల్లతామర పూఱేకుల
నుండి జాఱిపడు ఉదకంబులవలె.
252