ఈ పుట ఆమోదించబడ్డది
సుందరకాండ
11
రామరామయని బ్రాతిని పలుకుచు,
మనసులోన ఆతని భావించుచు,
తన్మయనైతిని, తదనురూపమును
కనుచుంటిని మఱి వినుచుంటి. నిటుల.
12
మనసిజాత పీడను ప్రాణంబులు
ప్రియునెడ లగ్నములయి నందున, నే
దేని నెపుడు చింతించుచుంటినో
ఆ ప్రతిరూపము లగపడు వినబడు.
13
ఇది కలయేని' అభీష్టసిద్ధి యగు
నని తలతును, కాదని తర్కింతును,
ఏమన రూపవిహీన మభీష్టము,
కలరూపున ఇది పలుకుచు నున్నది.
14
బ్రహ్మదేవునకు, వైశ్వానరునకు,
వాచస్పతికిని వాసవునకును న
మస్కరింతు, కపిమాటలు తథ్యము
లన్యంబులు మిథ్య లగును గావుత !
251
23-4-1967
