ఈ పుట ఆమోదించబడ్డది
సుందరకాండ
.
అతడు పరబ్రహ్మము, పరతత్వము,
పరమబీజ, మిహపరమార్థము,
పరమజ్ఞానము, పరమక్షేత్రము,
కారణకారణ కల్పము రాముడు.
.
ప్రథిత శంఖచక్రగదాధరణుడు,
హసిత పుండరీకాయ తేక్షణుడు,
నిత్య శ్రీవరణీయు, డజేయుడు,
శ్రీవత్సాంక మహావక్షు డతడు.
18
ప్రజ్వలించు పుష్పకము నెక్కి, ల
క్ష్మణునితోడ రాఘవు డేతెంచెను,
తెల్లని మడుపులు దీపింపగ, తె
ల్లని పువ్వులదండలు వ్రేలాడగ.
19-20
సూర్యకిరణములు చూఱబోవు పు
ష్పకము నెక్కి రఘువరు డేతెంచి, ఉ
దీచికి తిరిగెను, త్రిభువనములు సచ
రాచరముగ బ్రహ్మాండము కదిలెను.
21
ఇంకను కలలో ఇట్టు లగపడెను,
భార్య సీతయును, భ్రాత లక్ష్మణుడు
వెంటనుండ దీపించుచుండె, రఘు
రాముడు విష్ణుపరాక్రమధాముడు.
22
సురులేనియును అసురులేనియు, రా
క్షసులేనియు తేజస్వి రాఘవుని
ముందునిలిచి జయమందు టశక్యము;
పాపులు స్వర్గము పడయలేనిగతి.
225
