సర్గ 1
17
ఆమూలాగ్రము నదవదయై కుల
గిరి మారుతి త్రొక్కిళ్ళకు కీడ్వడ ,
గుహల వసించిన బహు భూతంబులు,
వికృత స్వరముల విల విల మూల్గెను.
18
కొండ దెబ్బతిని ఘూర్ణిల్లగ బె
గ్గిలిన జంతువుల యెలుగుల ఘోషము,
పూరించెను పదిమూలల పృథివిని,
నగరోద్యానవనంబులు మ్రోగెను.
19
ఆ చప్పుడు విని అజగరములు స్వ
స్తిక లాంఛన ఫణ శిఖలు విప్పి, వడి
లేచి, విషజ్వాలికలు క్రక్కుచున్ ,
పట్టికఱిచె గిరి పాషాణములను.
20
గాఢాగ్రహమున కాకోదరములు
కాటువేయగా, కాళ విషాగ్నులు
తగిలి బ్రద్దలుగ పగిలి, మండె, పెను
కొండరాళ్లు వెయి తుండెతుండెలుగ.
21
ఆ మహేంద్రగిరియందలి ఓషధు
లఖిల విషఘ్నములయ్యు, నపుడు చ
ల్లార్పగజాలక వ్యర్థములాయెను,
క్రూరాహిక్షత ఘోర విషాగ్నుల.
??
కపి బీభత్సముగా త్రొక్కిన గిరి
అతల కుతులమై అగలెను, బిలముల
పెనుబాములు రావిళ్లనలగి బయ
లెక్కెను నిప్పులు క్రక్కుచు విసవిస
