సుందరకాండ
29
నీ చిఱునవ్వులు, నీ పలు మొగ్గలు,
కర్ణములంటెడు కాటుక కన్నులు,
నాచికొనెను సుందరి! నా మనసును,
పాము కన్నెకను పక్షి రాజువలె.
30
అనలంకృతవైనను, మాసి నలిగి
పోయినట్టి కౌశేయము కట్టిన
నిన్ను చూచి రమణీ ! మన సొగ్గదు
స్వకళత్రంబుల సాంగత్యమునకు.
31
అంతఃపురి నా యనుగు చెలియలగు
కోమలాంగులకు స్వామినివై , పరి
పాలించుము, నా వైభవమ్ము స
ర్వస్వమ్మును నీ వశము కృశోదరి !
32
త్రిభువన రూపవతీ లలామ లెం
దఱొ, అసితాలక ! అరసి నన్ వలచి
వచ్చిరి, వారలు పరిచరింతు, ర
ప్సరసలు పరమేశ్వరి లక్ష్మినివలె.
33
ధనదు నొడిచి తెచ్చిన ధనకనకని
ధానరత్న సంతతులను, నన్నును,
స్వీకరించి, ఆలవోక సుఖముగా
అనుభవింపుము సమస్తము సుందరి !
34
తపమున, బలమున, ధనవిక్రమముల,
నాతో పోలడు శాతోదరి ! నీ
రాముడు; సాటికిరాడు నాకు తే
జో యశః ప్రశస్తుల నేనిప్రియా !
181
