ఈ పుట ఆమోదించబడ్డది
సర్గ 20
శ్రీ
సుందరకాండ
సర్గ 20
1
అపుడు దశానను డా పతివ్రతను
దీనవదనను, నిరానంద, నిటల
పలుకరించె నర్మిలి చేష్టల, తీ
యని మాటల, తన మనసు మెఱయగా.
2
నన్ను చూచి, యెలనాగరొ! భయమున
దాచుకొందు, ఉదరము నురోజము
లిందుముఖీ! నీ సుందరాంగములు
అన్యుల కెవరికి నగపడరాదో !
3
నినుకామించితి నను ప్రేమింపుము,
సర్వాంగ గుణాశ్రయ సంపన్నవు,
మనసారగ బహుమానింపుము, నా
ప్రియ సహచరివై , త్రిభువన సుందరి !
4
మానవమాత్రులుగాని, కామరూ
పులగు రాక్షస జనులుగాని, మఱె
వ్వరును లేరిచట, వరవర్ణిని ! నా
వలని భయంబును వదలుము నీ విక.
176