సుందరకాండ
17
మంగళాంగి సుకుమారి, రత్నగృహ
ముల నుండదగిన ముదిత, తాపమున
వడబడి సొగసె; నపుడపుడు పెరికిన
నళినీనాళము నడియెండనువలె.
18
చిక్కి, పట్టుబడి, చెట్టుకు కట్టగ.
గజపతి కెడమయి గహనము నడుమను;
ఉత్తలమున నిట్టూర్పులు విడుచుచు
దిగులొందిన యేనుగు రాణింబలె.
19
అప్రయత్నముగ ఆమె కుంతలము
లొంటి పాయజడ యోజ రాజిలెను;
మేఘము విడిచిన మేదినిపయి రం
జిల్లెడి నల్లని చెట్లచాలువలె.
20
భయముచేత, ఉపవాసంబులచే,
అల్పాహార ధ్యాననిష్ఠల, కృ
శించియు కనుపించెను, తపస్సులో
సన్నగిలియు, వర్చస్వినియై సతి.
21
అర్తయయ్యును దురంత దుఃఖమున,
భావనలో రఘువల్లభుని నిలిపి,
అంజలిపట్టి, దశాస్యుపరిభవము
ప్రార్థించెడి దేవతవలె నుండెను.
22
శుక్లారుణ చక్షూపక్ష్మంబులు
వాయనేడ్చు కులపత్ని , ననింద్యను,
వేధించును పాపిష్ఠి రావణుడు
కామలుబ్ధుడయి రామతన్మయిని.
27-2-1967
175
