ఈ పుట ఆమోదించబడ్డది
సుందరకాండ
29
సుందరాంగనా బృందము నడుమను
రాజిలుచుండగ రాక్షసేశ్వరుడు,
చూచెను కపికులసోముడు రావణు,
తారల మధ్య సుధాకరు పోలిక .
30
అనిలసుతుండు, మహాకపి అప్పుడు
“ఇతడే రావణు డింతకుపూర్వము
నగరులోన శయనముననున్న వా
డని” నిశ్చితుడాయెను తన మనమున.
31
అమిత వీర్యబలుడయ్యు మారుతి, ప్ర
చండమైన రాక్షసు తేజోద్ధతి
కులికి, నెమ్మదిగ ఒదిగి ఓరసిలె,
కొమ్మల కారాకులలో చాటుగ.
32
నల్లని కురులును నల్లని కనులును
చక్కదనాలు వెదచల్లుచున్న, సు
శ్రోణిని, సీతను చూచు తమకమున
కదియవచ్చె దశకంఠు డంతలో.
171
