ఈ పుట ఆమోదించబడ్డది
సర్గ 18
శ్రీ
సుందరకాండ
సర్గ 18
1
పూచి అశోకతరువులు హసించు వని
పుష్పించిన తరువుల ఉద్యానము
తిలకించుచు, వైదేహి రాకకై
వేచుచుండె కపివృషభుడింతలో.
2
సాంగవేదములు చదివి, క్రతువులను
పచరింపంగల బ్రహ్మరాక్షసులు,
పలపల వేగిన వల్లెలు చెప్పెడి
వేదఘోష వినిపించె నంతటను.
3
వీనుల విందుగ వీధుల మ్రోగెడి
ప్రాతర్మంగళ వాదిత్రములను
ఆలకించుచున్‌. మేలుకొనె యథా
కాలంబున బలశాలి రావణుడు.
4
లేచినంతనె నిశాచరనాథుడు,
నలిగిన దువ్వలువలతో, తునిగిన
ఫూదండలతో, వేదురుపాటున
సీతనె చింతించెను స్మరియించెను.
166
