సర్గ 16
11
వాలి బాహుబలశాలి యేలగా
అన్యదురాసద మగు వానర ల
క్ష్మీవిభవము సుగ్రీవున కిచ్చెను;
ఈమె కోసమయి రాము డుద్ధతిని.
12
ఈ విశాల ధవళేక్షణ ఉనికిని
ఆదిపాదులను అన్వేషింపగ
వచ్చితి నేనును, పారావారము
దాటితి, చొరబడి తడవితి లంకను.
13
రాముడీ సతికొఱకు సప్తసము
ద్రములు, నాలుగు చెఱగుల భూతలము
తిరిగి తిరిగి శోధించిననేనియు,
ఆశ్రమయుక్తం బనియె తలచెదను.
14
ముల్లోకముల ప్రభుత్వ విభవమును,
సీత, జనకఋషి కూతురి గరిమయు,
రెండు నరసి తర్కించినచో, సీ
తకు చాలదు సుంతయు సామ్రాజ్యము.
15
ధర్మశాలి, తత్త్వజ్ఞుడు, మిథిలా
రాజ్యపాలకుడు, పూజ్యుడు, జనకుడు
ఆతనిసుత యీ సీత, సూర్యకుల
తిలకుని సతియై వెలుగు పతివ్రత.
16
యాగార్థముగా సాగి, వరిపొలము
నాగలితో దున్నగ, మొగచాలున ,
పద్మరేణువులవంటి సుగంధపు
మృత్కణములతో మెఱసె నీ గరిత
