సుందరకాండ
5
కులశీలంబులు, గుణరూపంబులు,
తులతూచిన యట్టు లమరె వీరికి,
రామునకు తగిన రమణి జనకసుత,
వైదేహికి తగు వరుడు రాఘవుడు.
6
మేలిమి వన్నెల మెఱయు లక్ష్మివలె
జగదనురంజనియగు జానకి గని,
మనసు రామచంద్రుని సన్నిధిగొన,
పులకరించి తలపోసె హనుమ యిటు.
7
రావణుబోని పరాక్రమాంధుని క
బంధుని కూల్చెను బలిమిని రాముడు,
బహుబలశాలిని వాలిని చంపెను,
ఈ విశాల కమలేక్షణ కోసమె.
8
భీమ విక్రమోద్దాముడయిన వి
రాధ రాక్షసుని రణమున మార్కొనె,
మును దేవేంద్రుడు మోహరించి శం
బరుని వధించినభంగి సులభముగ.
9
ఘోరకర్మఠులు క్రూరదానవులు
పదునాలుగువే లెదిరించ జన
స్థానమున శరజ్వాలలు కురిసెను
భస్మంబై కుప్పలు పడ నడవిని.
10
యుద్ధముఖంబున ఉదురు మిడుకగుచు
నిలిచిన ఖరుఖండించెను, త్రిశరుని
పరిమార్చెను దాశరథి, దూషణుని
తెగనేసెను ఉద్రిక్త శౌర్యమున.
155
