సుందరకాండ
17-18
ప్రాకారము లోపలి త్రోవల, వే
దికల, చైత్యముల, దిగుడుబావులను,
హనుమ తిరుగనిది అంగుళమంతయు
లే దసురుని ప్రాసాదాంగణమున.
19
వికృతవదనలు, విభీషణ వేషిణు
లయిన రాక్షసకులాంగన లెందఱొ
పొడకట్టిరి కపిపుంగవున కచట,
కనరా దెందును జనకుని నందన.
20
చక్కదనంబున సాటిలేని వి
ద్యాధర బింబాధరల నెందఱినొ
చూచెనచట కపిశుండాలము, కన
రాదు వారిలో రఘుకుల నందిని.
21
పున్నమచంద్రుని బోని శుభాస్యలు,
తరుణాంగులు, సుందర నితంబినులు,
నాగకన్య లెందఱొ కనుపించిరి;
చూపట్టదు సీతాపుణ్యాంగన.
22
బాహుబలంబున పట్టి అపహరిం
చిన నాగవిలాసినుల కొందఱిని
అతినిదానముగ అవలోకించెను,
జనక రాజసుత కనబడ దెందును.
23
అంత హనుమ ధీమంతుడు, తనలో
ఖిన్నుండై దుఃఖించె మరల యిటు,
సీతను వెతకు చిసీ ! చూచితి పర
దారల నంచును సారెసారెకును.
121
