సుందరకాండ
5
కాలము గడచెను కనిపెట్టగలే
నయితి, రామజాయను, సిద్దింపక
పౌరుషము, హరీశ్వరు నెటు దరిసెద?
చండ శాసనుడు స్వామి! ఏమిగతి ?
6
రావణు నంతిపురంబు చొచ్చితిని,
అచటి స్త్రీ జనము నంతయు చూచితి,
కనలేనయితిని గరితను సీతను,
గాలికి పోయెను కష్టమంతయును.
7
తిరిగిపోవ వానరవరు లందఱు
గ్రుచ్చి గ్రుచ్చి అడుగుదురు నన్నుగని,
‘వీరుడ ! పనివడి వెళ్ళి, తచట సా
ధించిన దేమన' తెలుపుదు దేనిని.
8
కానరాదచట జానకి నాకన,
అభిమానంబును అపకీర్తి భయము
సుడియ వానరు లుసురులు పాయుదురు.
గడువుదాటె, ఎటుగండము గడచును ?
9
వారిధి గట్టుకు వచ్చి నా కొఱకు
కూడినవా రే మాడుదురో, వృ
ద్దుండు జాంబవంతుం డేమనునొ ? కు
మారాంగదుడే మాటల నడుగునొ ?
10
నిర్వేదమె అన్నిట నరిష్ట, మ
నిర్వేదమొక టె సర్వశుభంబులు,
నిఖిలసుఖము లందించును, సకలా
ర్థముల ఆనిర్వేదమె ప్రవర్తిలును.
119
