ఈ పుట ఆమోదించబడ్డది
సర్గ 11
?
బడలిరి కొందఱు పాడిపాడి, వసి
వాడిరి కొందఱు ఆడియాడి, సొగ
సిరి నాట్యము చేసి కొంద, ఱల
సిరి కొందరు మధు సేవనాభిరతి.
5
డోళ్ళమీద మద్దెళ్ళమీద, కం
బళ్ళమీద, చాపలమీద, అ
ష్టానుసార మాసీనలయిరి కొం
దఱు చిందరవందఱగా నెడ నెడ.
6
రూపంబుల సల్లాపశీలముల,
చతురభాషణా సంగీతంబుల
నతిశయించు మదవతు లగపడి, రా
భరణంబుల ప్రభ లగ్గలించగా.
7
దేశకాలముల తీరుల కనువుగ
పలికి కులుకు మదవతులు కొందఱు ర
తో పరతులలో నోలలాడి, శయ
నించుచుండ కన్పించిరి హనుమకు.
8-9
మఱియొకవైపున మరునిబాళి సం
తాపించు వయోరూపవతుల, దర
హాసముతో పరిహాసమాడగల నెఱ
జాణ లగపడిరి రాణివాసమున.
10
ఆ లావణ్యవతీలలామముల
నట్టనడుమ శయనంబున రాజిలె,
అసురలోకనాయకుడు, గోష్ఠమున
ఆలమందలో అబోతుపగిది.
110
