బిల్వాష్టకం
త్రిదళం త్రిగుణాకారం - త్రినేత్రం చ త్రియాయుధం |
త్రిజన్మపాపసంహారం - ఏకబిల్వం శివార్పణమ్ ||1||
త్రిశాఖై ర్బిల్వపత్రైశ్చ - హ్యచ్ఛిద్రైః కోమలై శ్శుభైః |
శివపూజాం కరిష్యామి - ఏకబిల్వం శివార్పణమ్ ||2||
అఖండబిల్వపత్రేణ - పూజితే నందికేశ్వరే |
శుద్ధ్యంతి సర్వపాపేభ్యః - ఏకబిల్వం శివార్పణమ్ ||3||
సాలగ్రామశిలా మేకాం - జాతు విప్రాయ యోర్పయేత్ |
సోమయజ్ఞమహాపుణ్యం - ఏకబిల్వం శివార్పణమ్ ||4||
దంతికోటిసహస్రాణి - వాజపేయశతాని చ |
కోటికన్యామహాదానం - ఏకబిల్వం శివార్పణమ్ ||5||
పార్వత్యా స్స్యేదతోత్పన్నం - మహాదేవస్య చ ప్రియం |
బిల్వవృక్షం నమస్యామి - ఏకబిల్వం శివార్పణమ్ || 6 ||
దర్శనం బిల్వవృక్షస్య - స్పర్శనం పాపనాశనం |
అఘోరపాపసంహారం ఏకబిల్వం శివార్పణమ్ || 7 ||
మూలతో బ్రహ్మరూపాయ - మధ్యతో విష్ణురూపిణే |
అగ్రత శ్శివరూపాయ - ఏకబిల్వం శివార్పణమ్ || 8 ||
బిల్వాష్టక మిదం పుణ్యం - యః పఠే చ్ఛివసన్నిధౌ |
సర్వపాపవినిర్ముక్తః - శివలోక మవాప్నుయాత్ ||9||
