పుట:శ్రీరమాపరిణయము (తరిగొండ వెంగమాంబ).pdf/44

24

శ్రీరమా పరిణయము

కాటువోయిన పంటి - గంజి ప్రసాదంబు
మేటిగా బోసేసి - మెఱయుచునుండు;
అటువంటివారి కీ - యలఘు దివ్యాన్న
మెటువలె సైరించు? - నిది యేల చాలు?
నిప్పుడు మీ యన్న - కిది చాల దంటె
తెప్పింతునా మంచి - తిరుపణా చాఱు?'
అని కేరడముఁ జేసి - నటువంటి విభునిఁ
గనుఁగొని హిమశైల - కన్య యిట్లనియె:
'స్వామి! మా జలజాక్షు - సంపద దెలిసి 450
యీ మాడ్కి మీ రంటె - నేమి చెప్పుదును?
మాయన్న తిరుపణా - మధు సంతతంబుఁ
బాయక భుజియించు - భక్ష్యాళితోడఁ
దెరఁగొప్ప, నటుగానఁ - దిరుపణాచాఱు
హరికి సహింప ద - య్యది, యైనఁగాని
తెప్పింపుఁ డటువంటి - తిరుపణాచాఱు
మెప్పుగాఁ గ్రోలును - మీ చెల్లె' లనిన,
నగి యిట్లు పలికె నా - నాగకంకణుఁడు:
నగజ! మా లక్ష్మిని - ట్లనినందు కిపుడు
సుదతి! మీయన్న చూ - చుచునుండఁగానె460
యదె చూడు నీ చెంప - లదర వేసెదను;