ప్రథమాశ్వాసము
27
ప్రసాదంబు జాదులుంబలె నయ్యెనని యమాత్యుల యనుమతంబునఁ
గొలువు విచ్చి యందలి సముచితప్రకారంబుల వీడుకొలిపి వేత్రహస్తులం
బిలిపించి పట్ట ణంబున మృగయావిహారసన్నహంబునకుం జాటించిన.107
సీ. పులిమల్లఁ డడవిపోతులరాజు గరుడుండు
గాలివేగంబు పందేలపసిఁడి
విష్ణుప్రసాదంబు వేడిగుండులు పరి
పచ్చిమిర్యము వెఱ్ఱిపుచ్చకాయ
వేటమాణిక్యంబు విరవాది మెడబల్మి
పెట్టుఁగాఁడు పకారి పిడుగుతునుక
జిగురుండు చిత్రాంగి శ్రీరాముబాణంబు
పులియందు కస్తూరి బొడ్డుమల్లె
తే. యనఁగ మఱియుఁ బెక్కుతోయముల పేళ్ళు
దారకులు దేరవచ్చె నుద్దండవృత్తి
వేటకుక్కలు మృగరాజవిగ్రహములు
వటుకనాథుని వాహ్యాళివాహనములు.108
మ. శబరు ల్పట్టెడత్రాళ్ళఁ బట్టి తిగువం జండోద్ధతిం గిట్టి వ
ట్టి బయల్ ద్రవ్వుచు విడ్వరాహముల గుండె ల్వ్రయ్య నాకాశముం
గబళింపఁ జనునోజ మోర లెగయంగా నెత్తి గర్జిల్లఁగాఁ
బ్రబలెం గుర్కురకంఠనాళకుహరీభౌభౌమహారావముల్.109
గీ. మృగయు లంతటఁ దెచ్చిరి లగుడుగిడ్డుఁ
జాలె జలకట్టె కణుజు వేసడము బైరి
కురుజు లోరణమను డేగ కొలము సాళు
వములఁ బిలుపుకు వేఁటకు వచ్చువాని.110
సీ. బంగారు మెరవడి పల్లనంబులతోడఁ
గెంబట్టు కీలు పక్కెరలతోడ