ప్రథమాశ్వాసము
13
సీ. కూర్చుండు వయసున గూర్చుండ నేర్చెను
ననుదినత్యాగసింహాసనమునఁ
గొంకక నడ నేర్చుకొనుచుండి నడనేర్చెఁ
దప్పక వేదోక్తధర్మసరణి
మాటలాడఁగ నేర్చు నాటనుండియు
నేర్చెఁ బలుకంగ హితసత్యభాషణములు
చదువంగ వ్రాయంగ [1]సరవి నేర్చిన
నాఁడె నేర్చెను గార్యంబు నిర్వహింప
తే. వినయమున కాకరంబు వివేకమునకు
సీమ జన్మస్థలంబు దాక్షిణ్యమునకు
నాలవాలంబు విద్యల కరయ మూర్తి
మరుఁడు చిల్లర వెన్నయామాత్యవరుఁడు.55
చ. అతఁడు వివాహమయ్యె సముదంచితవైభవ మొప్పగాఁ బతి
వ్రత యగు భైరమాంబయును వర్ణితనిర్మలవాగ్విలాసవా
క్పతియగు సూరమంత్రియును భాగ్యఫలంబునఁ గన్నయన్నమన్
క్షితి ననసూయతోడ సరిసేయఁగ వచ్చు లసద్గుణాన్వితన్.56
సీ. మాంగళ్యశృంగార మంగీకరించి
వర్తించుచో బార్వతీదేవిగుణము
నఖిలార్థులకును నిష్టార్థంబు లిచ్చి
సంభావించుచో రమాదేవిగుణము
హితమితోక్తులచేత నెదిరికిఁ బ్రీతి
నొందించుచో భారతీదేవిగుణము
బరమపాతివ్రత్యపరతమైఁ బతి
భక్తి గావించుచో శచీదేవిగుణము
తే. వరుస నే నోమునోచి యొప్పరసె గాక
సతుల కిట్టి గుణంబులు జగతిఁ గలవె
- ↑ సరవడి నేర్చియు