గావించు [1]నతి దిశాదేవతలకు వాయసంబులకు నిర్వర్తించు దధిబలిఁ గొలుచు జ్యేష్ఠాదేవి నలఘుమహిమఁ జదివించుకొనుఁ బుణ్యసంహితావ్రాతంబు మూలికామాణిక్యములు ధరించుఁ [2]దాంబూలగంధాక్షతలు చిరంటుల కిడు [3]విప్రశ్నికల గారవించుఁ దఱచుఁ
గుమ్మరావంబు కడవలు కొల్లవిడుచు బాలురకుఁ దియ్యపండులు పంచి యిచ్చుఁ జెలులుఁ దానునుఁ [4]రేలు పోచిళ్ళువోవుఁ దామరస[5]నేత్ర పుత్రసంతానకాంక్ష.
ఇవ్విధంబునఁ [6]బుణ్యోపవాసవ్రతదానధర్మదేవతారాధనంబు[7]లఁ బ్రతిబంధదోషంబులుం బాసిన [8]నా సుశీలాదేవియందుం బ్రతిమాచంద్రబింబంబు సరసియందునుం బోలె గర్భం బావిర్భవించిన.
అభ్యంతరస్థాగ్నియగు శమీలత వోలె నిధిగర్భయగు నబ్ధి[9]నేమి వోలె [10]నంతస్స్థదిగ్దంతియగు వియన్నది వోలె శశికుక్షియగు నస్తసంధ్య వోలె నాలీనహర్యక్షయగు నద్రిగుహ వోలె వినయధారిణి యగు [11]విద్య వోలె [12]జలదాంతరితయగు నళినాప్తరుచి వోలె సూనృతాభిధయగు సూక్తి వోలె
నాదిమబ్రహ్మసంభరితోదరయగు కైటభారాతినాభ్యబ్జ[13]కళిక వోలె నధిగతాగస్త్యయగు దక్షిణాశ వోలెఁ బ్రథమగర్భంబు ధరియించెఁ బల్లవోష్ఠి.
[14]పలుచఁ బాఱెను గండదర్పణయుగంబు నవమధూకప్రసూనంబు [15]నవమధుకర [16]మానుగతిఁ జూచుకంబులు నసితమయ్యె సవతి పూఁబోండ్ల యాననాబ్జములతోడ.
