చాటిచెన్నయగారిఁ జదిపి చట్టలు చీరి
కొండమల్లయగారిఁ గొట్టినాఁడు
గోరంట్లతిప్పనిఁ గొట్టి కోటెక్కియు[1]
వేఁగరికులమెల్ల వెదకినాఁడు
చిటివల్లభయ్యను జెట్లను బడఁదోలి
పాణెమురాజును బఱపినాఁడు
రంగయభీముని రాజసంబునఁ దోలి
సాళ్వతిప్పని నేలఁ జదిపినాఁడు
పాండూరియడవిని బరఁగు మన్నీలను
దూల్చి[2] గొందులు చొరఁదోలినాఁడు
ముచ్చకంపయ కుఱ్కి మునుపుగాఁ బడ మోఁది
పూలగంగు దళముఁ[3] బొడిచినాఁడు
రాజు లెప్పుడు మెచ్చ రామరాజ్యంబుగా
నెసఁగి[4] రాజాచలం బేలినాఁడు
దండిమై ముప్పదిరెండు దుర్గంబుల
నేకధాటీగతి నెక్కినాఁడు
వీరభద్రుని దొడ్డవిభువేమనృపతుల
రట్టఁడై కాలందెఁ బెట్టినాఁడు
ఘనమూరురాయర గండపెండారంబుఁ
బెనుపొంద డాకాలఁ బెట్టినాఁడు
రాజమాత్రుండె ఖడ్గనారాయణుండు
చారుతరమూర్తి రాజులచక్రవర్తి
గాయగోవాళుఁ డువ్వెత్తు[5]గండఁ డనఁగ
లీల నొప్పారు మాదయలింగవిభుఁడు.