పుట:విక్రమార్కచరిత్రము.pdf/334

286

విక్రమార్కచరిత్రము

ఆ.⁠

తార్చి, వచనరచనఁ చేర్చి, చిత్తములోని మదనవహ్ని యార్చి, ముద మొనర్చి యసమరతుల నోలలార్చి, కౌఁగిటఁ జేర్చి మనసుకోర్కి దీర్చి, మదిఁ దనర్చి.

⁠ 107

క.⁠

మానిని కరపాశంబుల చే నీగతిఁ గట్టివైచి, జిగి దొలఁకెడు పూ బానుపునఁ బెట్ట వలదా మానధనం బపహరింప మరగినదొంగన్.

⁠ 108

క.⁠

ప్రోడ యగుకళావతి యిటు కూడి మెలఁగె రాజుమనసుకొలఁదినె, విభుఁడుం జేడియఁ గూడి చరించెను నీడయు రూపంబుఁబోలె నెయ్యం బలరన్.

⁠ 109

వ.⁠

అంత నొక్కనాఁడు.

⁠ 110

సీ.⁠

మణిపంజరాంతర మంజుకీరశ్రేణి         యాత్మీయవిజయంబు లభినుతింప సరసవిలాసినీచామరానిలమున         నలినీలకుంతలంబులు నటింపఁ బ్రతిపన్నకామినీప్రౌఢగానక్రియా         రచనలు కర్ణపారణ మొనర్ప రత్నసింహాసననూత్నప్రభారాజి         తన తనుద్యుతులచే నినుమడింప

⁠

తే.⁠

నంతిపురమున మండపాభ్యంతరమున నంగనలు గొల్వఁ గొలువుండి, యానరేంద్ర సింహుఁ డుజ్జయినీపురశ్రీలఁ దలఁచి యింపుమీఱఁ గళావతి కిట్టులనియె.

⁠ 111

సీ.⁠

కాంచనపేటికాకర్పూరవీటికా         లలితవధూటికావిలసనంబు

⁠