పుట:విక్రమార్కచరిత్రము.pdf/300

252

విక్రమార్కచరిత్రము

సీ.⁠

కాంచిలోఁ జిరకీర్తిఁ గాంచి మించినయట్టి         శ్రీగుప్తుఁ డనియెడు సెట్టిపట్టిఁ గాంచనపురియందు గణనకెక్కినయట్టి         ధనగుప్తునకుఁ బ్రాణదయిత నేను రమణమై రాగతరంగిణి యనుదాన         నత్తవారింటికి నరుగుచోట నిచ్చోట మ్రుచ్చుల నిడదవ్వులనె గాంచి         పతియు సహాయులుఁ బాఱిపోవ

⁠

తే.⁠

నశ్రుపూరంబు చూపుల కడ్డపడిన బ్రమసి మతి తప్పి పడితి నీప్రాఁతనూత నింతలో వచ్చి మీరెల్ల నెదురుకొంటి రెత్తుకొంటిరి నాప్రాణ మేమిచెప్ప.

⁠ 105

ఉ.⁠

ఇంచినవేడ్కతోడ నను నేనుఁగుకొమ్మున దాదిఱొమ్మునం బెంచినతల్లిదండ్రులకుఁ బ్రేముడి నాయెడఁ బాయకుండు నే గాంచికి నేగి వారిఁ బొడగాంచిన నంగద వాయుఁ గాన, న న్నించుక యాదరించి కర మేదెడునట్టుగఁ జేయరే దయన్.

⁠ 106

వ.⁠

అనిన ననుకంపాతరంగితాంతరంగు లైన యప్పథికు లిట్లనిరి.

⁠ 107

చ.⁠

బలవదసహ్యసింహశరభప్రముఖోగ్రవనాంతభూమి ని మ్ముల నిను డించిపోయెదమె ముంగి లెఱుంగని ముద్దరాల, వా వలఁ బని యేమి గల్గిన నవళ్యము నిన్నును దల్లిదండ్రులం గలపకపోము, కంచి యది కంచియె మాకు బయోరుహాననా!

⁠ 108

క.⁠

అనునయవాక్యంబులచే ననునయముం బ్రియము నొదవ నప్పథికవరుల్ తనవారికంటె మిక్కిలి దనవారితనంబు దనరఁ దనుఁ బలుకుటయున్.

⁠ 109