పుట:విక్రమార్కచరిత్రము.pdf/291

సప్తమాశ్వాసము

243

వ.⁠

మదనమత్తకాశినీచిత్తాకర్షణాకారశృంగారలీలావిహారుం డైన యారాజకుమారత్నంబునకు.

⁠ 55

మ.⁠

చనవొప్ప న్నినుఁ బొందఁ గాంచునదిపో సంసారసాఫల్య మం గన, నీమాట లనంగశాస్త్రముల రంగన్మూలముల్, మత్తకా శిని నీచూపులు చిత్తజాయుధమహాసింహాసనస్థానముల్, వనితా! నీదుకుచంబు లంగభవదీవ్యత్కుంభినీకుంభముల్.

⁠ 56

శా.⁠

కాంతా! కంతుని మీఱు నవ్వసుమతీకాంతుండు కాంతుండుగాఁ గాంతేనిం, గమనీయహేమమణిసాంగత్యంబు సంధిల్లు నీ సంతోషంబు ఘటించు నంతకు భవత్సౌందర్య మూహింపఁగాఁ గాంతారాంతరవల్లికాకుసుమసంకాశంబు గాకుండునే?

⁠ 57

సీ.⁠

తరుణి! యాతని యురస్సరసిలో నీకుచ         చక్రవాకులు కేళి సలుపుఁగాక యింతి! యాతని వద నేందుచంద్రికల నీ         దృక్చకోరికలు నర్తించుఁగాక కాంత! యాతని తనూకల్పభూరుహముపై         నీబాహులతికలు నిగుడుఁగాక పొలఁతి! యాతని కర్ణపుటకరండముల నీ         వాచామృతంబు దైవాఱుఁగాక

⁠

తే.⁠

నీకుఁ దగు నాతఁ డతనికి నీవు తగుదు నీకు సరియైనసతియు నానృపకుమార వరున కెనయైనపతియు నీవసుధఁ గలరె నాదుమాటలు మదిలోన నమ్ము మనియె.

⁠ 58

క.⁠

ఇత్తెఱఁగున శారిక నీ వృత్తాంతము విన్నవింప విని యనురాగా యత్తం బగుచిత్తముతో మత్తచకోరాక్షి మరునిమాయలకతనన్.

⁠ 59