పుట:విక్రమార్కచరిత్రము.pdf/290

242

విక్రమార్కచరిత్రము

మ.⁠

వెలయఁ గాదిలిపుత్త్రిచందమున వేవేభంగులం బ్రోచుచుం బలుకుందొయ్యలిచేతిరాచిలుక పెంపన్ బెర్గి, నానాకళా కలనాలీలఁ ద్రికాలవేదిని యనంగాఁ, జంద్రకాంతోపలో జ్జ్వలకాంతారలతాంతవాటికలలో వర్తింతుఁ గాంతామణీ!

⁠ 50

క.⁠

అనవుడుఁ ద్రికాలవేదిని యనునామము నీకుఁ గల్గినట్టిదయేనిన్ నను నుద్వాహము గాఁగల మనుజేంద్రకుమారుఁ జెప్పుమా మెచ్చొదవన్.

⁠ 51

వ.⁠

అనుటయు.

⁠ 52

క.⁠

ఆవంచకపుర మేలెడు భూవల్లభనందనుండు బుధగురుజనసం భావితగుణమణిభూషా శ్రీవిలసత్కీర్తి రాజశేఖరుఁ డబలా!

⁠ 53

సీ.⁠

కలిఖలప్రేరణాకులవివర్ణుఁడు గాక         వర్తించు నలచక్రవర్తి యనఁగ గౌతమమునిశాపభీతచిత్తుఁడు గాక         తనరారు పాకశాసనుఁ డనంగ జటినిటలానలోత్కటపీడితుఁడు గాక         సొంపారు ననవింటిజో దనంగ రాహుగ్రహోరునిగ్రహుఁడు గాక సుకాంతిఁ         జాలనొప్పెడు పూర్ణచంద్రుఁ డనఁగ

⁠

తే.⁠

శ్రీలఁ గడుఁ బేర్చి విభవంబుచేఁ దనర్చి రూపమున నిక్కి సత్కళారూఢి కెక్కి గౌరవంబున రాజశేఖరుఁడు వోలెఁ జెలువమున నొప్పు నారాజశేఖరుండు.

⁠ 54