పుట:విక్రమార్కచరిత్రము.pdf/289

సప్తమాశ్వాసము

241

⁠

మెఱుఁగులఁ గైకోని మెలఁతచూపులతోడ         రతిరాజశరచకోరములు సమమె పసిడికుండలమీఱు పడఁతిచన్నులతోడఁ         గరికుంభచక్రవాకములు సరియె హరినీలముల గెల్చునంగనకురులతో         గాలాహిచంచరీకములు ప్రతియె

⁠

తే.⁠

పొలఁతిక్రొమ్మేని సాటియే పువ్వుఁదీఁగె బాలయడుగుల నెనయునే పల్లవమ్ము లతివపలుకుల దొరయునే యమృతరసము వెలఁది కెమ్మోవిఁ బోలునే విద్రుమంబు?

⁠ 45

ఉ.⁠

ఆరసి లక్ష్యలక్షణరహస్యనిరూఢముగా సమస్తవి ద్యారతి నుల్లసిల్లె, వివిధంబులు చెల్వము లభ్యసించె, నా నారథవాజివారణరణస్ఫురణంబులకీ లెఱింగె, నా నీరజనేత్ర యిద్ధరణి నేరనివిద్యలు లేవు భూవరా!

⁠ 46

ఉ.⁠

ఆరమణీశిరోమణి వయస్యలు దానును నొక్కనాఁడు శృం గారవనాంతవీథి రతికాంతుని నోమఁగ నేఁగి, యయ్యెడం గోరిక మీఱఁ గీరములకు శ్రుతిశాస్త్రపురాణసత్కథా సారము లొప్పఁజెప్పు నొకశారికఁ గాంచెఁ గళాభిసారికన్.

⁠ 47

క.⁠

కాంచి తమకించి కదిసినం జంచలగతిఁ జిలుక లెల్లఁ జదలికి నెగయన్ మించినశారిక కోరిక వంచనమైఁ జిక్కినట్లు వనితకుఁ జిక్కెన్.

⁠ 48

ఉ.⁠

ఆగొరవంకవంకఁ గమలానన నెయ్యపుఁజూడ్కిఁ జూచి, యే లాగున నీకు నీబహుకళాకుశలత్వము సంభవించె? ని చ్చాగతితోడ నీమెలఁగుచక్కటి యెక్కడఁ? జెప్పు మన్న శో భాగరిమాభిరామ యగుపక్షివధూకులరత్న మిట్లనున్.

⁠ 49