పుట:విక్రమార్కచరిత్రము.pdf/282

234

విక్రమార్కచరిత్రము

క.⁠

ప్రతిపక్షశిక్షణంబును క్షితిజనసంరక్షణంబు చేసి, ‘యవశ్యం పితు రాచార’ మ్మనుపలు కతఁ డెంతయు నిజ మొనర్చె ననుపమశక్తిన్.

⁠ 11

మ.⁠

[1]పవమానప్రతిమానసత్త్వజవశుంభద్వాహనారోహణో త్సవసంభావితు లైనరాహుతులతో, ద్వాత్రింశదుగ్రాయుధ వ్యవహారోద్భటసద్భటప్రతతితో, నారాజసూనుం డుదా రవిభూతిన్ జని యొక్కనాఁడు విపులారణ్యాంతరాళంబునన్.

⁠ 12

వ.⁠

బహుప్రకారంబు లగుమృగయావిహారంబులం దగిలి చని చని, యొక్కయెడ సర్వాలంకారసుందరంబగు శర్వాణీమందిరంబుఁ గనుంగొని, యమ్మహాశక్తికి దండప్రణామం బాచరించి, యనంతరంబ తత్ప్రదేశంబున.

⁠ 13

సీ.⁠

మత్తికాటుకపొత్తు మరగిననునుఁగెంపుఁ         జూపులఁ గలికిమించులు నటింపఁ బెక్కువన్నెలకంథచక్కిఁ జిక్కక నిక్కి         చనుదోయి కెలఁకులఁ జౌకళింప సంకుఁబూసలక్రొత్తసరుల నిగారించి         కంబుకంఠము నూత్నకాంతి నొసఁగఁ బలుగుఁగుండలములప్రభఁ బ్రోది చేయుచుఁ         జెక్కులఁ జిఱునవ్వు చెన్నుమీఱ

⁠

తే.⁠

యోగదండాగ్రగతపాణియుగళిమీఁదఁ జిబుకభాగంబు నిలిపి రాచిలుకతోడ సకలవిద్యానుసంధానసరసగోష్ఠిఁ గలసి భాషించు యోగీంద్రకాంతఁ గనియె.

⁠ 14

చ.⁠

కనుఁగొని, తద్విలాసములు కన్నులపండువు సేయ, సత్కథా జనితరసప్రసంగములచందము డెందము నామతింపఁగాఁ

⁠

1. పవమానప్రతిమానతత్త్వజవ. అని వా. 1928.