శ్రీరస్తు
విక్రమార్కచరిత్రము
సప్తమాశ్వాసము
| |
శ్రీమత్కనకాంబరగో
భూమిప్రముఖేష్టదానపోషితబంధు
స్తోమమహీసురసరస
క్షేమంకర సదయహృదయ సిద్ధనమంత్రీ.
| 1
|
| మ. |
జగదాశ్చర్యకళాకలాపకలనాచాతుర్యధుర్యుండు వీ
రగుణోదర్కుఁడు విక్రమార్కుఁడు మహారాజాగ్రగణ్యుండు, సా
రగతిన్ రెండవమాట యమ్మదవతీరత్నంబుఁ బల్కింపఁగాఁ
దగుయత్నంబున నంతరంగమునఁ దాత్పర్యం బవార్యంబుగన్.
| 2
|
| క. |
దర్పితరిపుహరణభుజా
దర్పధురంధరుఁడు, మంత్రతంత్రస్ఫురణం
గర్పూరకరండమునకు
నేర్పునఁ బ్రాణంబు లొసఁగి, నెఱ నిట్లనియెన్.
| 3
|
| క. |
తగ వెఱఁగి దివియగంబము
తగుతెఱఁగునఁ బ్రొద్దుపుచ్చె, దగ వెఱుఁగక యీ
యిగురాకుఁబోఁడి పలికిన
బగడంబులు రాలునట్లు పలుకదు మాతోన్.
| 4
|
విక్రమార్కుఁడు కప్పురపుబరణిచేఁ జెప్పించిన రాజశేఖరుని కథ
| క. |
ఇప్పొలఁతిపగిది నీవును
నొప్పరికించుకొనియుండు టుచితముగా, దో
కప్పురపుబరణి యొకకథ
చెప్పఁగదే నాదుచనవు చేకొని యనినన్.
| 5
|
