పుట:విక్రమార్కచరిత్రము.pdf/201

చతుర్థాశ్వాసము

153

ఉ.⁠

అంత, శకాంతకుండును దిగంతనృపాలకులున్ సమస్తసా మంతులు భట్టియాది యగుమంత్రిజనంబు, విదర్భధారణీ కాంతుఁడు దోడితేరఁ జని, గారవ మొప్పఁగ భుక్తిమండపా భ్యంతరవీథిఁ దత్తదుచితాసనపంక్తి సుఖోపవిష్టులై.

⁠ 187

సీ.⁠

మించుకన్నులు గోరగించు రాజాన్నంబు         నుపమింపరాని సద్యోఘృతంబు నమృతోపమానంబులగు పిండివంటలు         నుజ్జ్వలంబై యొప్పు నొలుపుఁ బప్పు మది కింపుఁబెంచు కమ్మనిపదార్థంబులు         బహుపాకరుచులైన పాయసములు దగువాసనావాసితములైన పచ్చళ్లు         వడియఁగట్టిన యానవాలపెరుఁగు

⁠

తే.⁠

సరసమధురరసావళిసముదయములు పంచసారసమంచితపానకములుఁ గమ్మకస్తురినెత్తావిఁ గైవుచేసి యూరుఁగాయలుఁ జల్లనియుదకములును.

⁠ 188

వ.⁠

మఱియుఁ బచనరచనారంజితంబులగు బహువిధమాంసవ్యంజనంబులును, రసికరసనాతపఃఫలంబులగు పరిపక్వఫలంబులును, యువతికరనిర్మథితంబు లగు మథితంబులు నుపయోగించి, రంభోరూకరాంభోజశాతకుంభసంభరితంబులును సుగంధబంధురంబులునగు జలంబులం గృతాచమనులై, విదర్భేశ్వరుండు ప్రియపూర్వకంబుగా నొసంగుతాంబూలాంబరమణిభూషణాదిసత్కారంబులు గైకొని, వివాహోత్సవస్తుతికథాముఖరులై, దిగంతరాగతు లగుమహీపతులను మఱియునుం దగువారును బాంధవులును దమతమదేశంబులకుం జనిరి. తదనంతరంబ.

⁠ 189

మ.⁠

జవసత్త్వప్రభవ ప్రభావభరితాజానేయవాహంబులన్ శ్రవణోత్సారితచంచరీకమదచంచద్వారణవ్రాతమున్

⁠