పుట:విక్రమార్కచరిత్రము.pdf/199

చతుర్థాశ్వాసము

151

వివాహవర్ణనము

సీ.⁠

సంప్రీతిఁ గిన్నరేశ్వరుఁడు పుత్తెంచిన         రమణీయచీనాంబరములు గట్టి కడువేడ్క నాకలోకస్వామి యనిపిన         మందారకుసుమదామములు దాల్చి వినయంబున దినేంద్రతనయుండు పంచిన         బంధురశ్రీగంధపంక మలఁది భక్తితో భువనాధిపతి దూత తెచ్చిన         నవరత్నమయభూషణములు దొడిగి

⁠

తే.⁠

తనువిలాసంబు కనుఁబాటు దాఁకకుండఁ గా నొనర్చిరి గాక శృంగార మనఁగ పతియుఁ బతియును వచ్చి రప్రతిమలీల సఖులు దోడ్తేర నుద్వాహసదనమునకు.

⁠ 176

క.⁠

అత్తఱి విదర్భభూపతి చిత్తంబున సంతసంబు చిగురొత్తఁగ, వి ప్రోత్తములు వేదమార్గా యత్తంబుగ నాచరించి రౌచిత్యంబుల్.

⁠ 177

వ.⁠

తదనంతరంబ, మౌహూర్తికదత్తశుభముహూర్తంబున.

⁠ 178

క.⁠

సారోదారసుధారస ధారాహారానుసారి ధరణీదివిజో దీరితవేదధ్వనితో గౌరీకళ్యాణమధురగానము మెఱసెన్.

⁠ 179

ఉ.⁠

శ్రీ మెఱయం, బురోహితవిశిష్టమతంబున విక్రమార్కధా త్రీమహిళేశ్వరుండు సముదీర్ణత నించిన సేసఁబ్రాలు, కాం తామణికేశభారమునఁ దద్దయు నొప్పె; మరుండు లీలతోఁ గోమలనీలగుచ్ఛములఁ గూర్చినముత్తెపుజల్లియో! యనన్.

⁠ 180