పుట:విక్రమార్కచరిత్రము.pdf/194

146

విక్రమార్కచరిత్రము

వ.⁠

అని యి ట్లనేకప్రకారంబుల.

⁠ 145

చ.⁠

పలుమఱు నెచ్చెలుల్ సెవులపండువుగా నినుఁ బ్రస్తుతింపఁ, ద త్సలలితసారభాషణసుధారసధారలఁ దొప్పఁదోఁగి, తొ య్యలి హృదయాలవాలమునయం దనురాగలతావితానముల్ మొలచు టెఱింగి యంగజుఁడు, మోహనబాణము నారిఁ గూర్చినన్.

⁠ 146

సీ.⁠

నిలువుటద్దము సూడ, నెచ్చెలితో నాడ         సరసోక్తులకు నవ్వ, సరులు గ్రువ్వఁ జిత్తరువులు వ్రాయఁ, జిలుకఁ బెండిలి సేయ         సరసాన్నము భుజింప, మరు భజింపఁ దల్లిచిత్తము పట్టఁ, దారహారము వెట్టఁ         క్రొవ్విరు ల్వెడఁ గూర్పఁ, గురులు దీర్పఁ గనకసౌధము చేరఁ, గమ్మజాజులు గోర         నాట్యరంగము ద్రొక్క, నటన కెక్క

⁠

తే.⁠

హంస నడపింప, జలకేళి కగ్గలింప వీణె వాయింపఁ, బాన్పుపై విశ్రమింప నెఱుఁగ; కి ట్లొక్కనాఁ డొకయేఁడు గాఁగ బాల వలపంతఁ జింతించుకీ లెఱింగి.

⁠ 147

వ.⁠

ఆకాంత కేకాంతంబున నిట్లంటి.

⁠ 148

ఉ.⁠

ఇంత విచార మేల తరళేక్షణ? యెంతటివాని నైన నీ కాంతునిఁ జేయుదాన, రతికాంతునిపాదము లాన, నీకు నా యంతటిబోటి గల్గఁ దగవా వగఁ జెందఁగ? నీమనోరథం బింతయుఁ జెప్ప, వేమిటికి నేనుఁగు నెక్కియు దిడ్డి దూఱఁగన్?

⁠ 149

క.⁠

నావుడుఁ దొంగలిఱెప్పల కేవల నునుసిగ్గు లంకురింపఁగ, నాపై భావానుకూలలీలా భావితముగఁ జూడ్కి నిలిపి, బాలిక తనలోన్.

⁠ 150