పుట:విక్రమార్కచరిత్రము.pdf/192

144

విక్రమార్కచరిత్రము

⁠

కస్తూరి ముంగిళ్లఁ గలయంపిగాఁ జల్లి         నిగ్గుఁగప్పురమున మ్రుగ్గు పెట్టి కంబాలఁ జీనిచీనాంబరంబులు చుట్టి         గోపురంబులఁ బైఁడికుండ లెత్తి మేడల ముత్యాలమేలుకట్టులు గట్టి         రత్నదీపిక లగారముల నుంచి

⁠

తే.⁠

కనకకాండరంభాస్తంభకలితముకుర పట్టపటపుష్పచామరపల్లవాది తోరణము లెల్లవీథులఁ దొంగలింపఁ జేసి కైసేసి రభినవశ్రీలు మెఱయ.

⁠ 136

వ.⁠

అంత.

⁠ 137

సీ.⁠

మెఱుఁగులగతిఁజూపు మెఱుఁగుఁగన్నులచూపు         పసిఁడికమ్మలమీఁదఁ బరిఢవింప మొలకవెన్నెలనవ్వు మురిపంపులేనవ్వు         చెక్కుటద్దములపైఁ జెంగలింవ జక్కవకవమించు చనుఁగవనగుమించు         మణిహారదీప్తితో మచ్చరింప హరినీలములఁగప్పు నలకల నునుఁగప్పు         కస్తూరితిలకంబు గారవింప

⁠

తే.⁠

నతివ మోహనమంత్రదేవతయొ నా, న నంగవతి కాంక్ష మన్నించు ననుఁగుబోటి యగు చకోరికయను చకోరాక్షి వచ్చి సాహసాంకమహిపాలచంద్రుఁ గాంచి.

⁠ 138

తే.⁠

ప్రణతి యొనరించి సరససంభాషణముల రాగమంజరిసుతుమనోరాగ మెఱిఁగి చిత్త మౌచిత్యవృత్తి వశీకరించి విన్ననువుమీఱ నిట్లని విన్నవించె.

⁠ 139