|
విశాలవిజృంభితజగజ్జేగీయమానగౌరీకల్యాణగానపరికల్పితకర్ణపారణంబును, విదర్భేశ్వరదర్శితంబునైన తదీయప్రధానాగారంబున విడిసి, సకలసైన్యంబును సముచితప్రదేశంబుల విడియింప సుమతిసూను నాజ్ఞాపించి, విదర్భేశ్వరుని నిజనివాసంబునకుఁ బోవ నియమించిన, నతం డిట్లనియె.
| 130
|
విక్రమార్కుఁడు విదర్భరాజపుత్రికను వివాహమాడుట
క. |
దురమున నెదురై యేరికిఁ
బరిమార్పఁగ రాకయుండఁ బరమేశ్వరుచే
వరములు గాంచినశకవిభుఁ
బొరిగొంటివి, నీకు నితరభూపతు లెనయే?
| 131
|
చ. |
కుమతి శకుండు మత్పురముకోటపయిన్ విడియంగ, నెంతయుం
గమలదళంబుమీఁదియుదకంబునుబోలె జలించునాదుడెం
దము, భవదీయశౌర్యసముదగ్రతప్రాపున నుల్లసిల్లి, సిం
హము మెడగంటవోలె నభయంబునఁ బొందె వసుంధరేశ్వరా!
| 132
|
చ. |
హరునివరంబునం గనినయాత్మజఁ, బట్టపుదేవి గాఁగ నో
నరవర! నీకు నిత్తు నని నామదిఁ గోరిక సంభవింప సు
స్థిరతరకీర్తిసంపదలఁ జెంది సుఖింపఁగఁ గంటి, రాజశే
ఖరునకుఁ గూఁతు నిచ్చి నుతి గాంచినశీతనగేంద్రుకైవడిన్.
| 133
|
చ. |
జనవర! నీపురోహితుల శాస్త్రరహస్యనిరూపణక్రియా
వనజభవప్రభావు లగువారి, ముహూర్తము నిశ్చయింపఁగాఁ
బనుపు, 'శుభస్యశీఘ్ర' మనుపల్కు నిజం బొనరింపు మన్న, గొ
బ్బనఁ బతిచిత్తవృత్తిఁగని భట్టి విదర్భుఁడుఁ దాను వేడుకన్.
| 134
|
క. |
ఉభయపురోహితసమ్మతి
శుభలగ్నము నిర్ణయించి, సొంపుగఁ బురికిన్
విభవోచితశృంగారము
నభినవముగఁ జేయఁ బనుచు నాక్షణమాత్రన్.
| 135
|
సీ. |
కుడ్యభాగంబులఁ గుంకుమంబులు పూసి
వేదికాస్థలుల జవ్వాది నలికి
|
|