విక్రమార్కచరిత్రము
| | నారసంబుల నీరసంబుల నేసియు, పరిఘంబులఁ గేతనంబు లడిచియు, శూలంబుల ఫాలంబులు వొడిచియుఁ, గత్తుల నెత్తులు వగిలించియు, బల్లెంబుల సెల్లెంబుల నొగిలించియుఁ, గుఠారంబులఁ గఠారంబుల మరల్చియు, వీరావేశంబుల విహరించునవసరంబునం, బతి యవసరంబు నెఱపం దెఱపి గని, వెఱవిడి తఱుకొన్న విధంబున శిబిరంబు చొచ్చి, బలుమగలం బరిమార్చి యార్చి, పేరువాడి వీరాలాపంబు లాడువారును, ఱొమ్ములుగాఁడి వీఁపులవెడలి నేలం గీలుకొనియున్నతోమరంబు లాధారంబులుగా నిలిచి, గతప్రాణు లయ్యును సమీరసంచారంబునఁ జలించుకతంబునఁ జేతనులుంబోలెఁ బరులకు భయం బాపాదించువారును, ద్విరదంబు లరదంబులంబొరల నెత్త నొరగినయీరసంబున నాభీలంబు లగుకరవాలంబులు వెఱకి దంతకాండంబులతోడన కండతుండెంబులుగా ఖండించి, చిత్రలీలావిలాసనిరవధికులని యమరవరులచేతం బొగడువడయువారును, బహుముఖంబు లగుశరముఖంబుల మర్మోద్ఘాటనంబు సేయుతఱి వర్మంబులతోడన చర్మంబులు సించిన రక్తప్రసిక్తంబు లగుశరీరంబులు చెందిరపుఁగీలుబొమ్మలట్ల చెలంగం, గలన నెక్కటికయ్యంపునెయ్యంబునం బెనంగువారును, గరవాలభిండివాలప్రముఖప్రహరణంబులు ప్రతిహతంబు లగుటయు రయంబునం బ్రతిభటప్రయుక్తంబు లగునాయుధంబులు గైకొని పరాక్రమించువారును, నెత్తురుల జొత్తిల్లినయంగకంబులు పల్లవితంబులైనయశోకంబులును, బుష్పితంబులైనకింశుకంబులును, శలాటుకీలితంబులైనవటంబులును, ఫలితంబులైనకింపాకంబులునుంబోలె నుల్లసిల్లం బెల్లగిలక కయ్యంబుసేయువారును, నయిదుపదిసేయక యవక్రవిక్రమంబునం బరాక్రమించి చని, దేదీప్యమానంబులయిన దివ్యవిమానంబు లెక్కి, కృతాలింగనలైన సురాంగనలకు హర్షోత్కర్షంబుగాఁ దమచేత వికలాంగంబులైన చతురంగంబులం జూపి పౌరుషంబులు ప్రకటించువారునునై , కలహభోజననయనపారణంబైన దారుణరణవిహరణం బొనరించుసమయంబున. | 98 |
| ఉ. | ఏమెయి రెండువాహినుల నెక్కువతక్కువ యింతలేక సం | |
