పుట:విక్రమార్కచరిత్రము.pdf/180

132

విక్రమార్కచరిత్రము

విక్రమార్క సిద్ధపురీశుల యుద్ధము

సీ.⁠

సంగరసన్నాహసమయం బెఱంగించు         నిఖలమంగళతూర్యనిస్వనములుఁ గట్టుమట్టుననుండి కదలించినఁ జెలంగు         భీకరశుండాలబృంహితములు రథములఁ గట్ట సారథులు ముట్టిన మిన్ను         దన్నెడి [1]రథ్యనిధ్వానములును బంతంబు లొండొండ ప్రకటించుసుభటుల         సాహసోచితవాక్యసంకులములుఁ

⁠

తే.⁠

గలసి విలసిల్లుసాహసాంకక్షితీంద్ర చంద్రుశిబిరాంగణస్థలి సాంద్రరవము పూర్ణచంద్రోదయోదీర్ణఘూర్ణమాన మగుమహార్ణవఘోషంబు ననుకరించె.

⁠ 78

క.⁠

సందీపితరిపుకుంజర సందళనక్రీడనైకసాహసలీలా నంద మలర, సింగంబుల మందగతి న్వీరభటసమాజము నడచెన్.

⁠ 79

మ.⁠

విలయారంభవిజృంభణంబున సముద్వేలంబులై, కుంభినీ వలయంబుం గబళింపఁ గైకొను మహావారాకరానీకవీ చులభంగిన్, జవసత్త్వవిస్ఫురణలం జూపట్టి యప్పట్టునన్ విలసిల్లెం దురగంబు లాశ్వికులకున్ వీర్యం బవార్యంబుగన్.

⁠ 80

చ.⁠

కలలితగండమండలము సన్మదధారల నివ్వటిల్లఁగా నలఘువినూత్నరత్నకనకాంచితభూషణదీప్తు లొప్పఁగా వెలువడె నున్మద ద్విరదబృందము, నిర్ఝరదీప్రవల్లికా కులకలితంబు లైననడగొండలతండముఁ గ్రేణిసేయుచున్.

⁠ 81

క.⁠

దివినుండి భువికి డిగ్గిన దివిజవిమానము లనంగ, దివ్యమణివిభా

⁠

1. రథ్యనితానములును. అని వా. 1925.