ఈ పుట ఆమోదించబడ్డది
17
(7) మాయావరాహమును వెంబడించి పాతాళబిలముఁ జొచ్చి బలి చక్రవర్తి వలన రస, రసాయనములు కానుకగాఁ బొంది వచ్చి, వాని నొక వృద్ధ విప్రున కొసఁగుట.
(8) మధుర కేఁగి రక్కనునితోఁ బోరి కమలావతి యను నచ్చరను రక్షించి, యామె యొసఁగిన దివ్యమణిని పురందరుఁ డను వైశ్యకుమారున కిచ్చుట.
III. తృతీయాశ్వాసము : -
(1) భార్య చేసిన వంచన వలన విరక్తుఁ డయి తపస్సునకుఁ బోవ నిశ్చయించుట అను భర్తృహరి వైరాగ్యవృత్తాంతము.
(2) భర్తృహరి విక్రమార్కునకుఁ జెప్పిన, బహుశ్రుతుఁ డను మంత్రి నందభూపతిని బ్రహ్మహత్య దోషము వలనఁ గాపాడిన కథ.
IV. చతుర్ధాశ్వాసము :-
(1) నారదముని యాదేశమున సిద్ధపురరాజును యుద్ధమునం దోడించి, విక్రమార్కుఁడు విదర్భ రాజపుత్రిక యగు అనంగవతిని వివాహమాడి సుఖముండుట.
V. పంచమాశ్వాసము :-
(1) చిత్రకూటాద్రి కేఁగి కాళికను మెప్పించి విక్రమార్కుఁడు మౌనవ్రతుఁ డగు మునికి వరము లిప్పించుట.
(2) విక్రమార్కుఁ డశ్వమేధయాగము చేయుట; సముద్రుఁడు కానుకగా బంపిన నాలుగు దివ్యరత్నములను విప్రున కిచ్చివేయుట.
(3) విక్రమార్కుని యౌదార్యగుణపరీక్షకు సంబంధించిన కథ.
(4) నరమోహిని యను వారనారిని రక్షించి యామెను కమలాకరునకు వివాహ మొనరించిన కథ.
VI. షష్ఠాశ్వాసము :-
(1) మౌనవ్రత యగు కళావతి యను పాతాళ రాజపుత్రి వృత్తాంతము
(2) కళావతి మౌనమును భంగము చేయుటకై “దీపకంబము"చేత విక్రమార్కుఁడు చెప్పించిన రాగమంజరి సింహళ రాజకుమారుల కథ.
VII. సప్తమాశ్వాసము :-
(1) కళావతి మౌనమును రెండవసారి భంగము చేయుటకై విక్రమార్కుడు కర్పూరకరండముచేతఁ తెప్పించిన “రాజశేఖరుఁ" డను రాజకుమారుని వివాహకథ.
(2) పై దానికి అనుబంధముగాఁ గల కీరశారికల వివాదమునఁ బుట్టిన
రెండు చిన్నకథలు.