పుట:విక్రమార్కచరిత్రము.pdf/171

చతుర్థాశ్వాసము

123

⁠

స్తనితమర్దళరవంబునకు నాడె ననంగ         వనమయూరములు నర్తనము చేసెఁ

⁠

తే.⁠

బాంథజనచిత్తచిత్తసంభవమహాగ్ని ఘనతరజ్వాలజాలానుకరణనిపుణ వివిధవిద్యుత్పరంపరావిభ్రమంబు లఖలహరిదంతరంబుల నతిశయిల్లె.

⁠ 31

మ.⁠

దళితానంతదిగంతమై ఘుమఘుమధ్వానంబు సంధిల్లగాఁ గలయం రాముల వ్రేలగట్టినటు, లుగ్రవ్యగ్రలీల న్నిర ర్గళధారాళకరాళమై కురిసె వర్షం; బెందు నేయింటివా రలుఁ బొర్గింటికి నేఁగకుండఁగ నహోరాత్రంబుఁ జిత్రంబుగన్.

⁠ 32

తే.⁠

ధరణియెల్లఁ గదంబపుష్పరచితంబు దిక్ప్రకరమెల్ల సరసనర్తితమయూర మంబరంబెల్ల నీరదాడంబరంబు విరహిజనచాతకము లెందు విశ్రమించు.

⁠ 33

మ.⁠

రమణియోన్నతసౌధసీమల విహారప్రౌఢి సంధించుచోఁ దమకుం గర్జితఘోరఘోషములు నిద్రాభంగముం జేసినం, బ్రమదం బందిరి కాముకుల్ సమదశుంభత్కుంభికుంభద్వయ క్రమవక్షోరుహమండలీమదవతీగాఢోపగూహోన్నతిన్.

⁠ 34

చ.⁠

లలితగతి న్మయూరికలు లాస్య మొనర్పఁగ, [1]భేకభామినీ కలకలనాదము ల్సెలఁగ, గర్జనవాద్యము లుల్లసిల్లఁ గం దళకుసుమాంజలుల్ వెలయ, నర్తనశాలయనం దనర్చె భూ తలము విచిత్రవారిదవితానతిరస్కరణీసమేతమై.

⁠ 35

ఉ.⁠

హారిమయూరవిభ్రమము లంచలఁ జెందె దటిద్విలాసముల్ తారలఁ జేరెఁ, బుష్పితకదంబవిజృంభణ సప్తవర్ణనా

⁠

1. భేకజంపతీకలకలనాదముల్. వావిళ్ళ. 1926.