పుట:విక్రమార్కచరిత్రము.pdf/166

118

విక్రమార్కచరిత్రము

సీ.⁠

పరమధర్మజ్ఞత బ్రాహ్మణప్రవరుల         నరసి రక్షింపుదే యనుదినంబుఁ బ్రజఁ దల్లిదండ్రులపగిదిఁ బాలింపుదే         పరులొత్తొరవు లేక బ్రదుకునట్లు దివిజభూజముఁబోలె దీనార్థిసమితికి         నభిమతాథము లిత్తె యాదరమున ననిఁ బ్రాణమిచ్చినయట్టివారల వారి         కెల్లతేజంబులు నిచ్చి మనుతె?

⁠

తే.⁠

యాజ్ఞపొత్తిక సంపద లర్థి నిచ్చి బంధువర్గంబుఁ బోషింతె బహువిధముల? సకలవర్ణాశ్రమాచారసరణి తప్ప కుండ నియమించెదే మహీమండలమున?

⁠ 7

క.⁠

సప్తాంగరక్ష సేయుదె సప్తోపాయములఁ బరుల సాధింతె మదిన్ సప్తవ్యసనము లుడుగుదె యాప్తుల రక్షింతె సాహసాంకమహీశా?

⁠ 8

క.⁠

మంత్రంబును రక్షింపుదె తంత్రాచరణంబులందు దత్పరమతివై మంత్రము పరమంత్రిమన స్సంత్రాసకరప్రభావసంపన్నులతోన్.

⁠ 9

క.⁠

ఆజ్ఞ వెలయింతె దిక్కుల యజ్ఞాధిక్రియల సురల నలరింతువె? నీ తిజ్ఞులఁ బరిపాలింపుదె సుజ్ఞానపరీక్ష చేసి సుకవుల మనుతే?

⁠ 10

[1]క.⁠

అని కుశలప్రశ్నముగతి ననిమిషముని రాజనీతి యాద్యంతంబుం

⁠

1. పా.క. అన విని మనమున నలరుచు
   ననిమిషమునినాథుతోడ నతిగంభీర
   స్వనమునఁ బ్రియపూర్వకముగ
   వినయముతోడుతను మనుజవిభుఁ డిట్లనియెన్.