శ్రీరస్తు
విక్రమార్కచరిత్రము
చతుర్థాశ్వాసము
| |
శ్రీమదపారకృపారస
సామాగ్రీవర్ధమానసకలార్థిజన
స్తోమబహువిభవ, యనితర
సామాన్యగుణాభిరామ జన్నయసిద్ధా!
| 1
|
విక్రమార్కునకు నారదుఁడు రాజనీతి నెఱిఁగించి, విదర్భరాజపుత్రి సౌందర్యమును వర్ణించి తెలుపుట
| వ. |
అమ్మహీశ్వరుండు తదుపదిష్టప్రకారంబున వసుంధరాపరిపాలనపరాయణుండై యుండునంత నొక్కనాఁడు.
| 2
|
| శా. |
ఆలోలామలదీపవల్లికలతో నాకాశసంచారి యై
కైలాసం బిటవచ్చు టెట్లుకొ యనంగా, శోణచంచజ్జటా
జాలం బొప్పఁగఁ బాండురద్యుతులతో, సాక్షాత్కరించెన్ మహీ
పాలాగ్రేసరుమ్రోల నారదుఁడు భూభాగంబు భూషించుచున్.
| 3
|
| ఉ. |
అమ్మునినాథశేఖరుని నర్థి నెదుర్కొని, భక్తిమైఁ బ్రణా '
మ మ్మొనరించి సన్మణిసమంచితకాంచనపీఠి నుంచి నె
య్యమ్మున నర్ఘ్యపాద్యవిధు లాదిగఁ బూజ యొనర్చి యెంతయున్
సమ్మద మొందఁజేసి, సురసంయమితోడ నరేంద్రుఁ డిట్లనున్.
| 4
|
| చ. |
తలకొని యున్నతొంటిసుకృతంబుకతంబున వచ్చి, మీఁదటం
గలిగెడు శోభనంబులకుఁ గారణమై, మఱవర్తమానని
శ్చలదురితంబులం దలఁగి సన్మునినాథకులావతంస! ని
ర్మలభవదీయదర్శనము మా కొనరించెఁ ద్రికాలయోగ్యతన్.
| 5
|
| వ. |
అనిన నమ్మునీశ్వరుండు సర్వంసహాధీశ్వరున కిట్లనియె.
| 6
|
