మ. |
హరివాక్యానుగుణంబుగా, సకలదేవానీకసంయుక్తులై,
పరిపూర్ణోత్సవ[1]జాతహుంకృతులచే బ్రహ్మాండ మల్లాడఁగాఁ,
దరువం జొచ్చిరి దానవుల్ నిజభుజాదర్పంబు రెట్టింప, సు
స్థిరధాత్రీవలయావధిన్, బహుమణిశ్రేణీనిధిన్ వారధిన్.
| 129
|
శంకరుఁడు గరళక్షోభము మాన్పి లోకము నుద్ధరించుట
క. |
పురికొని తరువఁగ, నాలోఁ | బరమాద్భుతలీల భువనభయదజ్వాలా
తరళము, సర్వదిగంతా | విరళము, గరళంబు సంభవించెన్ మొదలన్.
| 130
|
వ. |
[2]ఇట్లు ప్రళయానలాభీలంబును, జ్వాలాజాలకరాళంబును, జగన్నాశమూలంబును
నగు కాకోలంబు వొడమి, సకలబ్రహ్మాండమండలోన్మూలం [3]బొనరింపం దలంప, నిలింప
దానవసముదయంబు భయంబు నొంది, రయంబునం గడలి వెడలి, యిక్కార్యంబు చక్కం
బెట్ట దిక్కు ముక్కంటివేల్పు దక్కం దక్కొరుండు లేఁడని మృత్యుంజయుపాలికిం జని.
| 131
|
మ. |
“పరమేశాయ, పరాత్పరాయ, గిరిజా[4]భాగ్యాయ, తుభ్యం నమః
కరుణాపూరితమానసాయ, విభవే, కల్మాణరూపాయ, శం
కర! మాం [5]పాహి" యటంచు మౌళిఘటితాఖండాంజలీద్వంద్వులై
సురదైత్యుల్ శరణంబు చొచ్చి, గరళక్షోభం బెఱింగించినన్.
| 132
|
ఉ. |
పాటవ మొప్పఁ జేరి, కరపద్మమునం గబళించి, శీతరు
గ్జూటుఁడు నవ్వుచు న్మెసఁగెఁ జూర్ణితపద్మభవాండమండలీ
[6]పేటము, నుద్ధతారవవిభీషితదేవనిశాటమున్, నినా
ఘాటముఁ, గాలకూటము, నకాండలయంకర[7]రూపకీటమున్.
| 133
|
క. |
హాలాహలకీలాభవ ! నీలిమ గళమూలమంద, నిలిచిన కతనన్
బాలేందుధరుఁడు, శంభుఁడు, | కాలహరుం డొప్పె నీల[8]కంధరుఁ డనఁగన్.
| 134
|
వ. |
ఇట్లు కాలకూటంబు శూలిచేత నిష్పీతంబైన, దేవాసురవరులు [9]నిర్భీతులై, జలధి
కొట్టం దొణంగి రంత.
| 135
|
- ↑ జాల - మ,తా,తి,తీ,హ,ర,క
- ↑ వ 131, ప 132, ‘ర’ ప్ర. లుప్తము
- ↑ బు దహింపం - మ,మా,తి,తీ,హ,క
- ↑ భార్యాయ - మ,మా,తా,తి,తీ,హ,క
- ↑ త్రాహి - మ,తి,హ,క
- ↑ ఫేటము నంధతా - మ,మా,త,తి,తీ,హ,క
- ↑ కీటరూబమున్ - మ,తి,తీ; కీటరూపమున్ - మా,త,తా,హ,క
- ↑ కంఠుం డనఁగన్ - త,తా
- ↑ నిర్భయులై - మ,మా,తా,తి,తీ,హ,ర,క