పుట:వరాహపురాణము (నంది మల్లయ, ఘంట సింగయ).pdf/116

గీ.⁠

అవసర మెఱింగి యక్షనాయకుఁడు మెలపు, తోడఁ దొడిగింప రత్నపాదుకలు మెట్టి వజ్రకైదండఁ బట్టి వివాహవేది, కడకు విచ్చేయుచో నంతకంటె మున్న.

⁠ 43

సీ.⁠

కట్టినచీనాంశుకంబు శంబరవైరిగద్దియగవిసెనఁ గడవనాడ చెరవినగొజ్జంగివిరులు గాళిందిలోపలిఫేనలవములఁ బరిహసింప తీర్చినకస్తూరితిలకమ్ము విరిదమ్మి వ్రాలినమత్తాలి గేలి సేయ వైచినమణిహారవల్లులు మేరుశృంగంబులమీఁదిచుక్కల జయింప పార్వతీకన్యఁ గైసేసి భారతీర, మాశచీముఖ్యదేవతామానవతులు తోడుకు కొనితేర శివునకుఁ దుహినధరణి, ధరవరేణ్యుండు విధ్యుక్తి ధారవోసె.

⁠ 44

ఉ.⁠

హాటకగర్భుఁ డట్టిసమయంబున మంత్రము చెప్పఁ బార్వతీ పాటలగంధికంధరముపై నిజబాహుల రోమహర్షముల్ మాటికిమాటికి న్మొలవ మంగళసూత్రము గట్టె నాజగ న్నాటకసూత్రధారుఁడు ఘనధ్వని మ్రోయఁగ దిన్యదుందుభుల్.

⁠ 45

సీ.⁠

ఉమరోమరాజితో నొరసి కీడ్పడినచందమున భూషాహులు తలలు వంప దుర్గనేత్రంబులతో మాఱుకొని తిరస్కృత మైనగతిఁ జేతఁ జింక బెదర చండికనొసలితో జగడించి విఱిగినచాడ్పున శశిరేఖ జడలు దూర కృష్ణపెన్నెఱులతో నెదిరి వీఁగినవిధంబున గళచ్ఛవి భూతిపూఁత నడఁగ పొగనెపంబున మాటికి మొగము ద్రిప్పి, వామదేవుండు వామపార్శ్వమున నున్న నమ్రవదనసరోజ నన్నగతనూజ, నానఁ జూచుచు హోమకృత్యంబు నడపె.

⁠ 46

క.⁠

ఆడిరి రంభాదులు గొనియాడిరి సారణులు చేరి హాహాహూహూల్ పాడిరి మేలంబులకున్, గూడిరి గీర్వాణకుధరకులములచెలువల్.

⁠ 47

వ.⁠

ఇత్తెఱంగునఁ గురంగాంకశేఖరుండు సాంగంబుగా సర్వమంగళకళ్యాణం భవ ధరించి యీదంపతులు చరాచరప్రపంచంబు రక్షింతురు గాక యనుచు దీవించిన విరించి బహూకరించి సనకసనందనసనత్కుమారాదిమహామునుల సంభావించి దేవతల మన్నించి హిమవన్నగచక్రవర్తి సన్మానించి వారల వీడ్కొలిపి పార్వతీ సహితుండై కైలాసంబునకు విజయం చేసె వసుంధరాధీశ్వర యివ్విధంబునఁ బితామహదక్షతుహినక్షోణిధరంబులవలన గౌరికిం గలిగిన జననత్రయంబు సురా సురలు నెఱుంగరు నీకు వినిపించితిని హైమవతివివాహంబు తదియనాఁడు గావున నవ్వాసరంబునఁ గథాశ్రవణపూర్వకంబుగా నుపవాసంబు సలిపిన నుప్పిడి చేసిన నారీనరులకు మనోరథంబులు సిద్ధించు నింక నాకాశంబు వినాయకుండై జన్మించిన చందంబు వినుము.

⁠ 48