ఈ పుట అచ్చుదిద్దబడ్డది
38
గద్యపద్యరూపముగ గ్రుక్కతిప్పక చెరి యొక పాదముఁ జెప్పుచునతనిపై కవనము గ్రుమ్మరించిరి . ఆ జంటకవుల ధోరణికి నే నద్భుత పడితిని. రావు గార ట్టే నోఱు తెరచుకొని వినసాగిరి.నా యా శు కవితలోఁ కొన్ని పంక్తులు మాత్రము నా స్ఫురణలో నున్నవి.
"ఆదివారమే బుడుబుడుకా
అమృతపుపలుకే పలికీని
......................
ఒక్కమాటనే నిక్కడ చెప్పెద
నిక్కముగానది నడచీని
ఈ దిక్కులోననొక చక్కని చిన్నది
నిక్కి నిక్కి నినుజూచీని
ఆ-యక్క సోయగము టక్కు గాదు మీ
చుక్కలరాయఁడు మెచ్చీని
బల్-ఱెక్కలుగలిగిన మక్కువతో నా
దిక్కు నీమనసు తిరిగీని
ఆ-సక్కెరబొమ్మను పెక్కు లేలయీ
వక్క లాకులే `తెచ్చీని
ఈ-వక్కాకామెకు నిక్కముగా మది
తిక్కతనము నెత్తించీని
వేరొక్కటిచూడక తిక్క ముదిరి సీ