పుట:రాధామాధవసంవాదము (వెలిదిండ్ల వేంకటపతి).pdf/52

తృతీయాశ్వాసము

51

గీ.⁠

అనుచు శుకయోగి తెలుప నజ్జనకవిభుఁడు కృష్ణుఁడును రాధయును గాక యిఁకను గలరె దైవము లటంచు వారల భాసమునను దలఁచి మ్రొక్కుచు శుకయోగిఁ గొలిచియుండె.

⁠ 162

ఉ.⁠

కృష్ణయమంత్రిపుత్త్ర! సుకవీంద్రముఖాంబుజకంజమిత్ర! శ్రీ కృష్ణపదాబ్జసంతతవశీకృతచిత్త! నవీనచిత్తజా! జిష్ణుసమానభోగ! గుణచిత్రవిశేష! గభీరసాగరా! వైష్ణవసమ్మతప్రకటవస్తువిచారణ! మంత్రివారణా!

⁠ 163

క.⁠

చతురతరవచనరచనా, చతురానన! కవినిధాన! సంతతదానా! మితభాషణ! హితపోషణ!, మతితోషణగుణధురీణ! మాన్యవిహరణా!

⁠ 164

మాలిని.⁠

మగదలకులధీరా! మానినీచిత్తచోరా! యగణితగుణహారా! యర్థిరాధాకుమారా! నిగమవిధివిహారా! నిత్యసౌఖ్యానుసారా! సగరభవగభీరా! చారుశృంగారవీరా!

⁠ 165

గద్య.⁠

ఇది శ్రీ మద్వేణుగోపాల వరప్రసాదలబ్ధ శృంగార కవిత్వ వైభవ వెలిదిండ్ల తిరువేంగళార్యతనూభవ విద్వజ్జనవిధేయ వేంకట పతినామధేయ ప్రణీతం బైన రాధామాధవసంవా దంబను మహాప్రబంధంబునందుఁ సర్వంబును తృతీయాశ్వాసము. సంపూర్ణము.

⁠