ఇట్లు పెనంగుచు ననంగసంగరారంభమున కిద్దరుం జొరక యగరుధూపధూమంబుల
గుబులుకొను కమ్మకస్తూరితావులం బొనుగువడి కొంతవడిఁ జిత్రరూపంబులకైవడి
గదలకుండి రంత నగ్గోపికాకాంతునిం గవయుతమకంటున నక్కంబుకంఠి యిట్టట్టు
గొట్టుకాఁదుచు నతఁడు గదిసినఁ గదియనీక యవాంతరలజ్జాభయంబున దాఁపురం
బులు వెట్టుచు నట్టిట్టు గుట్టునం జిట్టాడి బట్టినం దట్టివైచి యొయ్యునొయ్యనం
బయ్యెదకొంగుఁ దిగిచి యుబికినచనుమిట్టల కెట్టకేలకుఁ గేలు సాచినం బట్టీక చిట్టా
డుచు పట్టువిడుపుల చిట్టకంబులను వేగిరింపక యేమఱించి లాలించి కౌఁగిలించినం
గృష్ణుండు గదిమి యదుముచు, నుదుటుసిబ్బెంపుటుబ్బు గబ్బిగుబ్బ లురమ్మునం
గ్రుమ్మి సొమ్మసిల హా యని కనుదమ్ములం దేలవైచుచు, మోహంపువగలను
మోము మోమునం జొనుపవచ్చినం దప్పించి యొప్పక యవ్వల నివ్వలఁ ద్రిప్పి యబ్బిన
యెడలం గొబ్బునం జుబ్బనఁజూఱఁగా వాతెరఁ గ్రోలిన నఱగన్ను వైచుచు బెండు
వడి మునింగి విడువిడు మని విదళించి బదులు తెమ్మని పెదవి మొదలానం బొదవి
యాని నాలుకచేఁ బైపైఁ బెణుకుచు, చూడకుమని డాకేలఁ గ్రేగన్నులు మొగిచి
నలకేలఁ జనుముక్కులు పులిమి బలిమిం దక్కితివని చురుక్కునం జుక్క లేర్పడ
నొక్కుచు, మక్కువను గోటిఁసోకులం బొక్కిలి నిమిరి యవ్వలఁ దడవఁగడంగినఁ
దడంబడుచు, మెడబలిమితనంబున మోహరంబుగ దేహంబు లాహిరింగొను తెఱంగు
నకుం గఁలగి కన్మొగిచి నగుచు, నఖంబులం జెక్కిలి మీటుచు, లెమ్ము లెమ్మని
కమ్మవిల్తునికేళికిం బయికొల్పిన మెలఁకువలం గవకవలు చెవులం దవులం జొనిషి
తనివిదీఱక విడిపడక యొడలెల్లం గలయం గరఁగించితి వేడ నేర్చితి? వెవ్వతెమీదిఁ
పరాకునం బడలితి? వలసితి, విదిరా సుఖానందం, బిదిరా వింతచందం, బని
పయ్యెదకొంగునఁ జెమట లెడనెడం దుడుచుచు, బొమలు ముడుచుచు, నన్నుం
జూడకుమని చివుక్కునం బయికొని యంతకంతకుఁ గందుకంబాడు కెవడిం
దూఁగాడుచు, మఱియునుం బాతరలాడురీతులం గుల్కుచు, నల్లనల్లన లకుముకి