పుట:రాజశేఖరవిలాసము (కూచిమంచి తిమ్మన).pdf/67

క.⁠

తలవరులఁ బిలిచి ధరణీ | తలవరుఁ డవ్విధముఁ జెప్పి తగినధనంబు ల్వల నొప్ప ముదం | బలరఁగ వెలపొలఁతిఁ దెండటంచుం బలికెన్.

⁠

వ.⁠

అంత.

⁠

ఉ⁠

పద్మము లెంతయు న్సొబగుఁ బాసి వెస న్ముకుళింప విస్ఫుర త్సద్మములందు భూసురులు తత్సమయక్రియ లాచరింపఁగా పద్మము మీరువారలగు సామజయానల కెల్లఁ జాలహృ త్పద్మము లుల్లసిల్ల రవి పశ్చిమవారిధిఁ గ్రుంకె నత్తఱిన్.

⁠

సీ.⁠

కరమొప్ప సాంధ్యరాగము మీఱిఁ జెల్వారు నంధకారము పర్వె నఖిలదిశలఁ జుక్క లాకసమునఁ జక్క నొక్కటనుండె ముదముతోఁ దొగలఱేఁ డుదయమయ్యె జనుల కెల్లను బ్రీతి యెనర వెన్నెల యొప్పె లలిఁ జకోరములు కోర్కెలఁ జెలంగె నలిని తాఁ దలవంచె నగియెనుగు ముదిని కోకంబు లెడబాసి కుందె మదిని మరుఁడు వెడవింటవిరితూఁపు లరయఁబూని | యేపు దనరార విరహుల నేయఁదొడఁగె సతులకుఁ బురుషులకుఁ బరస్పర | విలాసరసము చిలికెడు పలుకు లిం పెసఁగ నపుడు.

⁠

సీ.⁠

ముత్యాలతాటంకములు గొమ్ము పూబోఁడి బన్నసరం బిదే సన్నుతాంగి భుజకీర్తు లివె చూడు గజరాజగామిని యొడ్డాణ మిదుగొ మహోత్పలాక్షి కరకంకణంబులు గైకొమ్ము హరిమధ్య చేర్చుక్కబొ ట్టిదె చిన్నెలాఁడి మొగపులతీఁగ చెల్వుగఁ బూను శుకవాణి నేవళం బిదె రమ్ము నీలవేణి రత్నహారంబు లివె యుడురాజవదన | వన్నెచీరలు కొనుము సౌపర్ణవర్ణ గంధసారంబుఁ బూయు మోకంబుకంఠి | యనుచుఁ దుదలేనికోరిక నాత్మ నలర.

⁠

ఉ.⁠

పల్లవు లెల్ల మొల్లముగ బల్లిదులై కడుమంచివస్తువు ల్కొల్లలు మీఱఁ బట్టుకొని కూరిమితో బఱతెంచి వారసం ఫుల్లసరోజనేత్రలకుఁ బొం దలరార నొసంగి వేడ్క రం జిల్లఁగఁ బెక్కుమక్కువలఁ జెంది సుఖింతు రనేకలీలలన్.

⁠

క.⁠

తలవరు లయ్యెడ నర్థము | లలఘుగతిం గొనుచు సరగ నంచితకౌతూ హలమానసు లగుచు న్వే | శ్యలగృహముల కరిగి పిలువసాగిరి వరుసన్.

⁠

సీ.⁠

రమ్ము పద్మావతీ రావె చింతామణీ రా జగన్మోహినీరాజరేఖ రమ్ము చకోరాక్షి రా పుష్పమంజరీ రావె లీలావతీరత్నపుత్రి రా సుందరాకార రమ్ము కైరవగంధి రావె బించాధరిరమ్యభూష

⁠