పుట:రాజశేఖరచరిత్రము (మాదయగారి మల్లన్న).pdf/22

18

రాజశేఖరచరిత్రము

గీ.⁠

ననఁగ నొకకొత్తచెల్వ మయ్యంబుజాత గంధి కెంతేని గల్గె నక్కనకశైల కార్ముకానూనకరుణావికాసలబ్ధ ఫలరసామృతధార లల్పంబె తలఁప.

⁠ 84

క.⁠

ఈరీతి నమ్మృగేక్షణ యారూఢమనోనురాగ యై యుండు తఱిన్ మేరుమహీధరకార్ముక కారుణ్యము కతనఁ గొన్నిఘస్రంబులకున్.

⁠ 85

సీ.⁠

కౌను దొడ్డతనంబుఁ గని చింతపడుగతిఁ                        గుచముఖంబులు నీలరుచి వహించె మందస్మితంబున మరగి రాదన ముద్దు                        బలుచనిచెక్కులు పలకఁబాఱె ఫలరసంబుల కెవ్వి ప్రతిరామి నొల్లదో                        యన జిహ్వ కన్నిట నరుచి పుట్టె గర్భస్తుఁడగు బాలు కమనీయగుణభార                        మహిమ నా నడ లతిమంద మయ్యె

⁠

గీ.⁠

గలికి బేడిసమీలతోఁ గలహమాడు వాలుఁజూపుల దాటులు డీలుపడియె మంటి కమ్మనితాలిపై మనసు పాఱె నాఁడు నాటికి బాలి కానలినముఖికి.

⁠ 86

వ.⁠

అట్లు గర్భభరాలసయైన యయ్యంగనకుం బుంసవనాది కృత్యంబులు నిర్వర్తించిన యనంతరంబున నవమాసావసానం బగుటయు శుభ ముహూర్తంబునఁ గుమారుం డుదయించిన.

⁠ 87

మ.⁠

కురిసెం బువ్వులవాన చూపరుల చూడ్కుల్ వేడ్క నోలాడఁగా నెరసెన్ మెల్లనిచల్లగాలి కొదమల్ నెత్తావి నిండారఁగాఁ బొరసెన్ దిక్కులు నొక్కవింతచెలువంబున్ దత్కుమారప్రతా పరుచిం బోలమి నాఁ బ్రశాంతగతి సంప్రాప్తించె వైశ్వానరున్.

⁠ 88