పుట:రసాభరణము.pdf/54

చాతుర్వర్ణ్యగృహిణులు

క.⁠

చాతుర్వర్ణ్యోదితగృహి ణీతిలకంబులకుఁ గలుగు నేరుపులును ద జ్జాతిగుణవిశేషగుణంబులు నాతతముగఁ దెలియవలయు నవి యెట్లనినన్.

⁠

క.⁠

గరగరికయు గాంభీర్యము సరసోక్తులు గలుగుఁ గాని సద్ద్విజసతికిన్ సురతకళానిపుణత్వము దొరకొన దెప్పుడును సిగ్గు దొడవై యునికిన్.

⁠

క.⁠

బింకము చెలువును ధృతియుఁ గ డంకయు మచ్చరము గలిగి డాసినచో మీ నాంకునిదేవికి నెనయై కొంకక విభుఁ గవయు రాచకోమలి గరిమన్.

⁠

క.⁠

బుడిబుడిమాటల తఱచు న్వెడబుద్ధులు మలినమైన వేషముఁ గడుఁ జొ ప్పడియుండుఁ గాని కోమటి పడఁతికి నేరుపులు లేవు పతిఁ గవయునెడన్.

⁠

క.⁠

కమ్మలుఁ గడియము గాజులు నమ్మడుఁగులుఁ జుక్కబొట్టు నమరఁగ రతితం త్రమ్ములఁ బస గలిగి ప్రమో దమ్ము పతికిఁ జేయు శూద్రతరుణి ధరిత్రిన్.

⁠

మన్మథమాహాత్మ్యము

సీ.⁠

శృంగారరాజ్యాభిషిక్తుఁ డుద్యత్కళాచతురుండు మన్మథచక్రవర్తి యతనిపట్టపుదేవి రతిదేవి పువ్వులరథము వాహనము సారథి వసంతుఁ డాయుధ మిక్షుశరాసన మమ్ములు కమ్మగ్రొవ్విరులు టెక్కెమ్ము మీను కలకంఠశుకశారికామధువ్రతములు సేనలు దళవాయి సీతకరుఁడు కృతకపర్వతారామదీర్ఘికలయందు విడిసి మలయసమీరుండు వేగుఁ జూడ నాకవిభునైనఁ గైలాసనాథునైనఁ జెలఁగి సాధించు మర్త్యులఁ జెప్పనేల.

⁠

క.⁠

చూత మశోకంబును జల జాతము నీలోత్పలము నెసఁగువిరవాదిం జేతోజాతుని బాణము లాతఁడు సాధించు వీన నఖిలజగంబుల్.

⁠

క.⁠

కన్ను లశోకమునకు గుఱి చన్నులు చూతమున కరుణ సరసిజమునకుం జెన్నుగ నురమది దిరిసెము నున్నతమస్తకము యోని యుత్పలమునకున్.

⁠

క.⁠

కూడుడిగించు నశోకము వాడించును మల్లెవిరి వివర్ణతచేయుం జూడఁగఁ జూతము తలఁపులు జోడించును దమ్మి చంపి చూపుం గలువల్.

⁠

క.⁠

వినుతవచనరచనంబుల ఘనతరముగ నిట్లు నాయకప్రకరణ మిం పున వివిధనాయికావ ర్ణనసహితం బగుచు నూతనస్థితిఁ దనరెన్.

⁠

శా.⁠

జానొంద న్శకవర్షముల్ ఋతుశరజ్వాలేందులై యొప్ప న య్యానందాబ్దమునందు మాఘమునఁ గృష్ణైకాదశీభౌమయు

⁠